“Suraxanı” gəmi-muzeyin “Morze kodu” interaktiv oyunu - VİDEO

Morze əlifbası – nöqtə və xətlərin istifadəsi ilə əlifba hərflərini təsvir edən kommunikasiya vasitəsidir.

1836-cı ildə amerikalı ixtiraçı və rəssam Samuel Morze özünün hazırladığı teleqraf (Morze aparatı) və kodu (Morze əlifbası) numayiş etdirib. Morze əlifbası ilə ilk rəsmi məlumat isə 1844-cü il mayın 24 -də Vaşinqtondan  Baltimora göndərilib.

Müasir kommunikasiya vasitələri kəşf edilənədək,  həm dənizdə, həm də quruda əsas kommunikasiya vasitəsi idi.

1908-ci ildə imzalanan beynəlxalq sazişə əsasən, Morze əlifbası ilə gəmiçilikdə beynəlxalq fəlakət siqnalı kimi qəbul edilən SOS siqnalı ötürülməyə başladı. 

Siqnal intervalsız  “üç nöqtə-üç tire-üç nöqtə” ardıcıllığından ibarət idi.

Morze əlifbası bir əsrə yaxın müddətdə dəniz kommunikasiyasının əsas

növü olmuşdur. Yalnız 1999-cu ildə o, Qlobal Dəniz Təhlükəsiziliyi sistemi ilə əvəz edildi.

Bu maraqlı əlaqə yaratmaq üsulu ilə geniş auditorianı tanış etmək məqsədi ilə tanker-muzeydə unikal “Morze kodu” adlı interaktiv oyun yaradılıb.

Oyunda iki nəfər iştirak edir. 1 nömrəli oyunçu morze kodları vasitəsi ilə digərinə mesaj yollamalı qarşı tərəf isə onu deşifrə etməlidir. Ümumilikdə 5 dəqiqə ərzində davam edən oyunda hər iştirakçı üçün 2.5 dəqiqə vaxt ayrılır. Qeyd edək ki, interaktiv oyun “Suraxanı” gəmi-muzeyinin “Naviqasiya və Kommunikasiya”zalında yerləşir və oyundan istifadə ümumi ekskursiya biletinə daxildir.

Ünvanımız: Bakı Bulvarı, Bayıl, Su idmanı sarayının yanı

E-bilet: www.surakhanishipmuseum.az

Gallery